المصدر: كورس Hextree — Your First Android App — أول كورس في Phase 1 من الرود ماب.

ليه نبدأ بإننا نكتب تطبيق؟

الكورس بيبدأ بإننا نعمل تطبيق أندرويد صغير اسمه POC. التطبيق ده هنستخدمه بعد كده كـ client بتاعنا: نكلّم بيه تطبيقات تانية ونثبت إن الثغرة اللي لقيناها توصلّها فعلًا.

الـ POC اختصار لـ Proof of Concept، يعني تطبيق صغير هدفه يثبت إن الثغرة حقيقية وقابلة للاستغلال.

أول خطوات هنعملها:

  1. نعمل المشروع.
  2. نسيب Gradle يجهزه.
  3. نعمل Emulator نشغّل عليه التطبيق.

عمل المشروع

افتح Android Studio واختار New Project، واستخدم الإعدادات دي:

الإعداد القيمة ليه
Application name POC اسم قصير للـ proof-of-concept بتاعنا.
Language Java الكورس شغال بـ Java، والكود اللي بنعمله decompile لتطبيقات الأندرويد غالبًا بنقراه Java.
Minimum SDK API 29 (“Q”; Android 10.0) التطبيق يتسطّب على Android 10 وأي حاجة أحدث.
Template Empty Views Activity بيدينا Activity واحدة وملف XML للـ layout. اسم الـ template ممكن يختلف شوية من نسخة Android Studio للتانية.

وبعدين دوس Finish.

ليه API 29؟

كل نسخة أندرويد ليها رقم اسمه API level — مثلًا Android 10 هو API 29.

الـ Minimum SDK هو أقدم نسخة أندرويد تقدر تسطّب التطبيق. لما نختار API 29، الـ POC هيشتغل على Android 10 وأي حاجة أحدث، وده baseline عملي لأجهزة الـ lab اللي هنشتغل عليها.

نسيب Gradle يجهز المشروع

بعد ما تدوس Finish، Android Studio بيبدأ حاجة اسمها Gradle sync.

الـ Gradle هو الأداة اللي بتعمل build للتطبيق: بتنزّل الـ libraries اللي المشروع محتاجها، وتعمل compile للكود والـ resources، وتعمل package للـ APK. أول sync بياخد أطول وقت لأن كل حاجة بتتنزل لأول مرة، والـ builds اللي بعده بتبقى أسرع.

نافذة Build اللي تحت بتوريك التقدم، والتاب Sync بيوريك الـ sync بتاع المشروع. لو ظهرلك popup مكتوب فيه Gradle 'POC' build scripts found، اختار Load Gradle Project.

Gradle وهو بيعمل sync لمشروع POC وبينزّل الـ dependencies

أول Gradle sync: الـ Android Studio بيجهز المشروع وبينزّل الـ libraries اللي محتاجها.

لما الـ sync يخلص، هتلاقي علامة صح خضرا ومكتوب POC: finished. ده معناه إن Gradle جهز المشروع بنجاح — مش معناه إن التطبيق اشتغل.

نتيجة الـ build بتقول إن POC خلص بنجاح

العلامة الخضرا و"finished" معناهم إن Gradle خلص من غير مشاكل.

نعمل Emulator

هنستخدم Emulator عشان نشغّل التطبيق على الكمبيوتر من غير موبايل حقيقي.

  1. افتح Tools > Device Manager، أو دوس على أيقونة الموبايل في الشريط اللي على اليمين.
  2. دوس + (Create Virtual Device).
  3. اختار hardware profile، وبعدين system image و API level. لو الـ system image مش متنزّل، Android Studio هينزّله الأول.
  4. كمّل الـ wizard، وبعدين دوس زرار الـ play اللي جنب الـ AVD الجديد عشان تشغّله.

الـ AVD (Android Virtual Device) هو إعدادات الـ emulator: hardware profile + system image. والـ Device Manager هو المكان اللي بتعمل فيه الـ AVDs وتعدّلها وتشغّلها.

الـ Device Manager في Android Studio وفيه AVD جاهز يشتغل

الـ Device Manager وفيه AVD. زرار الـ play بيشغّل الـ emulator، وزرار الـ + بيعمل virtual device جديد.

Checkpoint

في آخر الجزء ده المفروض يكون عندك:

  • مشروع Java اسمه POC والـ minSdk بتاعه API 29.
  • Gradle sync نجح، وظاهر قدامك العلامة الخضرا.
  • AVD تقدر تشغّله من الـ Device Manager.

SDK و Gradle — يعني إيه؟

الدرس ده جاب سيرة كلمتين مهمين من غير ما يشرحهم بالتفصيل، فكتبت لكل واحد مقال لوحده:

  • الـ Android SDK — الـ toolbox اللي Android Studio بيستخدمها عشان يبني تطبيق أندرويد، وإزاي بتربط كودك بنظام الأندرويد والموبايل.
  • الـ Gradle — نظام الـ build اللي بيحوّل الكود بتاعك لـ APK.